Ат-Башыда анализдер туура эмес чыгып жатат

Ат-Башы району | 09:02, 6-апрель 2021 | Кароолор: 929Аткарыла элек

Өткөндө бөйрөгүм ооруп, аймактык оорукананын лабораториясына ОАК (заара) тапшырдым. Жакшы деп чыгарды.

Андан кийин 5 айлык баламдын канын текшерттим. Башка анализди колума карматып кетирип койду. Мен деле аны карабай, дарыгерге алып барып көрсөттүм. Ал башка адамдыкын бериптир, бул кыз биздин бөлүмдө жатат деди. Кайра барып, баламдын анализин сурадым.

Көрсө, баламдын анализине тиги кыздын аты-жөнүн жазып берип, мага карматыптыр. Эң жөнөкөй мисалдар ушул. Анан кантип ишенебиз?

Ат-Башы лабораториясын бир карап коюшса. Ал жакта иштеген кызматкерлердин бейтаптарга кылган мамилесин карап коюшса жакшы болмок.

Пикирлер модератордун текшерүүсүнөн кийин жарыяланат