«Активдүү жаран»: Уран көмүлгөн жайлар тосулган эмес

Майлуу-Суу эли уранга аралашып эле жашап жатат. Согуштан кийин 22 жыл бою гидрометаллургиялык завод иштеп, уран өндүргөн. Ал 1968-жылы жабылган. Азыр ошол заводдун орду талкаланып, уран калдыктары жатат.

Жанынан өтсөң мурдуңду урандын жыты урат. Шаар аймагында ураны бар уулуу заттар көмүлгөн 23 жай бар. Баары сай жээгине жакын жайгашып калган. Жер көчкү коркунучу бар жерде да бирөө турат. Кокустан жер көчкү түшчү болсо, уран көйгөйү бир эле өлкөбүздүн эмес, Фергана өрөөнүнүн маселесине айланат.

Бул жайлар СССР убагында айланасы тосулуп, каралып турган. Эгемендиктен кийин андагы тосмолорду бүт эл бузуп кеткен. Азыр айланасында тосмолор жок.

Уран калдыктары көмүлгөн жайда мал-жандык оттобошу керек. Мал-жандык оттомок турсун, айрым эс алуучулар ошол калдык сакталган жайдын үстүндө шишкебек бышырат.

• Ар бир жаран өзү жашаган көчөдөгү, айыл же райондогу, облус жана шаардагы ар кандай инфраструктуралык көйгөйдү ачыкка чыгарып, сүрөттөр жана видео түрүндө жарыялай алат. Бул жол, жарыктандыруу, таза суу көйгөйлөрү же мамлекеттик кызматтардын кайдыгерлиги менен байланыштуу болушу мүмкүн.

• Өлкөнүн өнүгүшүнө салым кошууну каалаган жаран ишти өзүнүн короосунан эле баштаса болот. Сиз дагы кайдыгер карабай, инфраструктуралык көйгөйлөрдү көтөрүп, «Активдүү жаранга» жарыялаңыз.

• Кантип? Жол-жобосу бул шилтемеде