«Активдүү жаран»: Сузакта тытылган желек желбиреп турат

Бишкек—Ош унаа жолундагы Сузак районунун аймагынан өткөн айланма жолдо 2019-жылы бийиктиги 45 метр келген флагшток орнотулуп, узун-туурасы 20-10 метр болгон мамлекеттик туу илинген.

Флагштоктун пайдубалына Курманжан датканын, Барпы Алыкуловдун, Бекмамат Осмоновдун, Абды Сүйөркуловдун сүрөтү түшүрүлгөн. Мамлекеттик ишмерлерди даңазалаган ошол жайдагы желбиреген желек жыртылган бойдон турат. Жакында коңшу Өзбекстан мамлекетине барып келген делегация желегибиз көтөрүлгөнүнө кубанып, жетине албай мактанып жатып калышты.

Дүйнөнүн чар тарабына көтөрүлгөн желегибизди мактанганыбыз жакшы. А бирок өзүбүздөгү желекке жасалган кайдыгерлик мамилеге эмне дейбиз?

• Ар бир жаран өзү жашаган көчөдөгү, айыл же райондогу, облус жана шаардагы ар кандай инфраструктуралык көйгөйдү ачыкка чыгарып, сүрөттөр жана видео түрүндө жарыялай алат. Бул жол, жарыктандыруу, таза суу көйгөйлөрү же мамлекеттик кызматтардын кайдыгерлиги менен байланыштуу болушу мүмкүн.

• Өлкөнүн өнүгүшүнө салым кошууну каалаган жаран ишти өзүнүн короосунан эле баштаса болот. Сиз дагы кайдыгер карабай, инфраструктуралык көйгөйлөрдү көтөрүп, «Активдүү жаранга» жарыялаңыз.

• Кантип? Жол-жобосу бул шилтемеде