Көлчүктөн өтө албай көпчүлүк нааразы

01:35, 28 апреля 2022 | Просмотров: 1 244Не выполнено

Ак-Талаа районунун Баетов айылынын Манас көчөсү менен Зина Ашырбаева көчөсүнүн кесилишиндеги жоголуп кеткен арыктын азабынан жаан-чачын учурунда көлчүктөп суу толуп калат. 

Кеп, ал жерге суунун көлчүктөп калганына эмес, көпчүлүк ошол жерде жайгашкан банкоматка өтө албай калганында. Анткени, ал жерде Айыл банктын банкоматы, менчик дүкөн, ашкана жайгашкан. Базарга дагы кирсе болот.

Жаз келгенде ишембилик өткөрүү, айлана-чөйрөнү, арыктарды тазалоо боюнча акимдин бир айлыгы боюнча буйруктар чыгат. Бирок, ишембилик кылуу, арыктарды тазалоо мекеме-ишканаларга эле тиешелүүбү? Ошол жерде иш алып барып жаткан ишкерлерге тиешеси жокпу же аларды "арыгыңды казып, айланаңды тазала" деп айта турчу жергиликтүү бийлик жокпу? Ашып кетсе эшигинин алдындагы 15-20 метр арыкты ошол жердеги дүкөн, ашкана ээлери деле тазалап, арыкты казып коюшпайбы. Анысы аз келгенсип дөбөдөй кылып шагыл төгүп коюшкан. Банкоматка барган көпчүлүк  көлчүктөн өтө албай нааразы болуп жүрүшөт.

Комментарии будут опубликованы после проверки модератором
Для добавления комментария авторизуйтесь